Projekt Gutenberg

Textsuche bei Gutenberg-DE:
Autoren A-Z: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | Alle
Gutenberg > Klaus Groth >

Quickborn

Klaus Groth: Quickborn - Kapitel 46
Quellenangabe
typepoem
booktitleQuickborn
authorKlaus Groth
year1930
publisherF. W. Hendel Verlag
addressMeersburg und Leipzig
titleQuickborn
sendergerd.bouillon@t-online.de
firstpub1853
Schließen

Navigation:

4.
Twee Leefsten

Wat kloppt dar an min Finsterschiv,
Wat kloppt dar anne Rut?
»Nu mak mal op, du Leefste min,
»Un kik mal eben ut!«

Och ne, och ne, dat do ik ni,
Dar weiht son kolen Wind.
»Mak du man op en Ogenblick,
»Du büst min hartleef Kind.«

»Mak du man op un lat mi in,
»Mak op en Ogenblick!«
Och ne, min Vader host un wakt,
Min Moder hört uns glik.

»So treck di an un kumm mal rut
»Un kumm mal na den Garn!«
Och ne, ik heff en Annern leef,
So leef al vele Jahrn!

»Un hest du lang en Annern leef,
»Den slog ik eben dot,
»Denn ga man achtern Karkhof lank,
»Dar liggt he in sin Blot!«

Un as se achtern Karkhof keem,
Do lev he al ni mehr.
»Och Vader, grav uns Beid en Kul
»Hier inne kole Eer!« –

Dar is en Graff int gröne Gras,
– De Rosen blömt so roth, –
Dar liggt twee Leefsten bi enann'
Truleef bet in den Dod.

 << Kapitel 45  Kapitel 47 >> 






TOP
Die Homepage wurde aktualisiert. Jetzt aufrufen.
Hinweis nicht mehr anzeigen.