Projekt Gutenberg

Textsuche bei Gutenberg-DE:
Autoren A-Z: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | Alle
Gutenberg > John Brinckman >

Vagel Grip

John Brinckman: Vagel Grip - Kapitel 9
Quellenangabe
typepoem
booktitleVagel Grip
authorJohn Brinckman
firstpub1859
yearca. 1890
publisherWilhelm Werther's Verlag
addressBerlin
titleVagel Grip
pages3-203
created20050621
sendergerd.bouillon
Schließen

Navigation:

Swinslachten.

– Hurra! nu is dat Fastelnacht –
Nu giwt dat frische Kost!
Hurra! nu is üns Fettswin slacht,
Doa hängt he an de Post!
Nu wad dat 'n Leben,
Nu giwt 't Smolt un Greben,
Kol-, Blot-, Grütt- un Hackwust,
Mett-, Lewe- un Knackwust!

Un Vare schüwt sin Klott un seggt:
– He 's dörch und dörch gesund,
He hett ken enzig Finn un weggt
Sin drürrhalwhunnert Punt. –

Un More seggt. – He 's snickenfett;
Dat het 'k mi noch ne Flom;
De is so fast as 'n Ekenbrett
Un so witt as Stutenkrom! –

Un Trin de kann en in de Kaek
Herüm maracken hür'n;
De moet dat grot Fatt foer de Paek
Mit Wipens noch awschür'n.

Un ick, ick mücht, dat Morrn all wir,
Denn wad tohaugt dat Swin;
Denn kümmt de Ketel up dat Für, –
De irst Wust, de is min;
Hurra! is 't 'n Leben!
Nu giwt 't Smolt und Greben,
Kol-, Blot-, Grütt- und Hackwust,
Mett-, Lewe- un Knackwust!

 << Kapitel 8  Kapitel 10 >> 






TOP
Die Homepage wurde aktualisiert. Jetzt aufrufen.
Hinweis nicht mehr anzeigen.