Projekt Gutenberg

Textsuche bei Gutenberg-DE:
Startseite    Genres    Neue Texte    Alle Autoren    Alle Werke    Lesetips    Shop    Information    Impressum
Autoren A-Z: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | Alle
Gutenberg > Klaus Groth >

Quickborn II

Klaus Groth: Quickborn II - Kapitel 92
Quellenangabe
typepoem
booktitleQuickborn II
authorKlaus Groth
year1898
firstpub1853
publisherLipsius & Tischer
addressKiel / Leipzig
titleQuickborn II
pages350
created20170207
sendergerd.bouillon@t-online.de
Schließen

Navigation:

Nach Pol de Mont's vlaamschen Gedichten.

        Warum drop mi dat Og
In de Seel denn so deep?
Warum klung mi de Stimm
As en Geist de mi reep? 224

Warum trock mi wat Fremds
Na dat Mäden heran?
Oder is wul de Lev
Mi inn Harten opgan . . ?

―――
Ik seeg Di blot vun Widen,
Un weer Di geern so neeg,
Un Di all dat Lewe
Wat ik inn Harten drȩg.

Ik sä Di still un heemlich
En eenzigs Wort so geern,
Ik sung't al dusend Malen –
Du kreegst noch nie to hörn.

Ik sung dat an de Rosen
Wul hunnert, hunnert mal,
Licht hett dat dar belüstert
De wille Nachdigal.

Ik sä dat to den Ostwind.
De sä 't de Wulken sacht,
Ik sä dat an de Steer'n
Bi stille, deepe Nacht.

Ji Vageln, Wind un Blomen,
Seggt ȩr doch nich dat Wort!
Vellicht – hör se 't Ju flüstern
Lach se min Glück mi fort.

―――
Dat kloppt mi lud inn Bossen,
Ik weet ni, wat ik will,
En Lurk sitt mi inn Harten,
Un swiggt un swiggt ni still.
Ik heff dat söte Kind bemött, 225
Günt, op de brune Heid,
Ik heff ȩr sehn, se hett mi gröt,
Nu mutt ik singn ut vull Gemöth,
En Leed singn vun uns Beid.
―――
Du kannst de Nacht verdriben,
Seh Du man dal op mi!
Och, lat mi bi Di bliben,
Verdriv mi nich vun Di!
Du büst de Morgenschummern,
Du büst de lichte Dag,
O, lat mi dröm' un slummern
Bet 't wedder dagen mag.

 << Kapitel 91  Kapitel 93 >> 






TOP
Die Homepage wurde aktualisiert. Jetzt aufrufen.
Hinweis nicht mehr anzeigen.