Projekt Gutenberg

Textsuche bei Gutenberg-DE:
Startseite    Genres    Neue Texte    Alle Autoren    Alle Werke    Lesetips    Shop    Information    Impressum
Autoren A-Z: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | Alle
Gutenberg > Klaus Groth >

Quickborn II

Klaus Groth: Quickborn II - Kapitel 75
Quellenangabe
typepoem
booktitleQuickborn II
authorKlaus Groth
year1898
firstpub1853
publisherLipsius & Tischer
addressKiel / Leipzig
titleQuickborn II
pages350
created20170207
sendergerd.bouillon@t-online.de
Schließen

Navigation:

Ünnern Flederbom.

        He keem sobald dat Abend war,
He keem dat ganze lange Jahr,
Inn Summer, wenn de Fleder blöh,
Inn kolen Harst un Wintersnee.

Ant Finster blöht de Flederbom,
Dat treckt mi dær in Nacht un Drom,
As weer't de Blom nich, de der rükt,
As weer't en Schatten, de der nückt.

Dat rükt mi rein so sunnerbar!
Dat nückt mi rein so wunnerbar!
Dat kumt mit Macht bi depe Nacht –
Min Thran de lopt mi warm un sacht. 207

Do weer't sin Hand, de lisen klopp,
Un lisen gung dat Finster op,
Do küß sin Mund mi dusendmal –
Nu lopt de hitten Thran' hendal!

De warme Regen fallt to Nacht,
De weckt de smucken Blom mit Macht.
De Thran bedeckt mi dat Gesich –
Se weckt mi doch min Leefsten nich!

―――
Och Gott, wa deit dat Hart mi weh,
Dat ik em nümmer un nargens seh!

Ik ga to Mark – da seh ik nix,
Ik ga to Kark – dar ik nix,

Ik dröm den Dag un wak de Nach –
Och, dat de lewe Gott dat bȩtern mag!

―――
De Lurken singt ȩrn Morgensang,
De Klocken klingt dat Feld hentlank,
Int gröne Gras dar sitt ik dal:
O klungn se ok vær mi enmal!
―――
Keen Blom so schön, de mutt vergan,
Keen Steern de blüfft ann Hȩben stan.
He glänz mi as dat Morgenlicht,
Nu lenngt min Hart un findt em nicht!

He weer mi as de Morgendau,
Min warme Sünn ann Hȩben blau.
De düstern Wulken gat so dicht,
Nu leungt min Hart un findt em nicht! 208

Min Sünn is weg un ünner gan,
Ik mutt bedrövt un trurig stan..
De Thran' bedeckt mi dat Gesicht –
Wa lenngt min Hart, un findt em nicht!


 << Kapitel 74  Kapitel 76 >> 






TOP
Die Homepage wurde aktualisiert. Jetzt aufrufen.
Hinweis nicht mehr anzeigen.