Projekt Gutenberg

Textsuche bei Gutenberg-DE:
Startseite    Genres    Neue Texte    Alle Autoren    Alle Werke    Lesetips    Shop    Information    Impressum
Autoren A-Z: A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z | Alle
Gutenberg > Klaus Groth >

Quickborn II

Klaus Groth: Quickborn II - Kapitel 141
Quellenangabe
typepoem
booktitleQuickborn II
authorKlaus Groth
year1898
firstpub1853
publisherLipsius & Tischer
addressKiel / Leipzig
titleQuickborn II
pages350
created20170207
sendergerd.bouillon@t-online.de
Schließen

Navigation:

Wat wullt du mehr –

An mi sülbn.

Grötnis an Storm, Gaedertz un Souchay.

                  Wat wullt du mehr? –
Wenn ut de graue Stadt ant graue Meer,
Wo Summers nich mal Nachdigalen singt,
De willen Gös' ȩr Schrigg herünner klingt,
De Floth eenförmig æwer de Watten geit,
Un op den Strand de Storm dat Seegras weiht;
Wenn dar en Ton kumt ut en Dichtermund –
Un flüggt in Dütschland bet de Grenzen rund;
He weckt dat Echo, dat dat wider schallt
Bet an den Swarten un den Böhmerwald,
Ward ræwer dragen æwer't wide Meer,
Findt Ohr un Hart den Eerdball rund umhȩr,
Un is en Wort so ȩben slicht un recht,
As harr't enmal die lewe Moder seggt, 293
Seggt in ȩr Sprak, de do ni wider klung,
As wo din Weeg un din lütt Poten gungn,
Din Modersprak, de sunst verstummt, veracht,
Verstött, verrött, verdorben un verlacht –
Vun all wat hoch un sit, vær de du ȩben
Er Ehr to retten insettst do din Lȩben,
Vær de du eensam sungst, as an den Strand
En fremden Vagel, schüchtern, unbekannt:
Wenn de nu klingt, dat lut dat Echo schallt,
Wenn Dichter singt, as lȩv de stille Wald,
Ja, wenn dat tönt vun Bargen bet to't Meer
Un æwerhin bet rund de Welt umhȩr –
          Wat wullt du mehr?

 << Kapitel 140  Kapitel 142 >> 






TOP
Die Homepage wurde aktualisiert. Jetzt aufrufen.
Hinweis nicht mehr anzeigen.