| author | Zephyrin Zettl |
| type | poem |
| created | 20020311 |
| title | Mein Moiderla sei' Wöigngsangl |
| sender | anonymus@abc.de |
Heio! Heio! De Sunn is scho' schlofa, da Tog is' in Oart.
Eitz kümmt da olt Monäh'l mi'n silberan Boart,
der schaut in oll Fensterla eini und locht,
wenn s Moiderl in'Wöigerla d'Äugla zuamocht. Heio! Heio!.
Heio! Heio! Des Bätzerl im Schoffstoll tuat gor nimma plärrn,
des Kalberl in Kuahstoll, des schloaft scho' gern;
des Goaßböckerl stößat af s Kalberl gern hi'.
Drum heierl, mei' Moiderl, süst kümmts üba dih! Heio! Heio!
Heio! Heio! De Schwalberla schmuckant sih eini in s Nest,
und d Hehna und Singerla schlofant scho' fest.
Und d Antla und Gansla gebet ah schon a 'Ruah,
und s Moiderl, des brave, mocht d Äugla scho' zua. Heio! Heio!.
Heio! Heio! Zwoa Engerla vo'n Himmel kehrnt ei' üba d Nacht,
de wöignant dih, woartnt dih, gebnt af dih Acht,
und straan dir zwoa Rousla af d Wangerla draf
und weckant dih moargn in da Fröih wieder af. Heio! Heio!
Wetter
